Сарма осуден на 13 години затвор - специјалниот суд во Белград ја донесе пресудата
Специјалниот суд во Белград денеска го осуди на 13 години затвор Мичо Николиќ наречен “Сарма”, под обвинение за трговија со синтетичка дрога, а неговите соработници добија затворски казни од три и пол до 13 години.
Освен Николиќ, на 13 години затвор е осуден и Агрон Хоџај, а Рајко Савиќ доби 11 години затвор. Милош Изрваз ќе лежи 10 години.
Исмал Красниќи е осуден на 7 години затвор, додека Миодраг Враниќ на три и пол години затвор.
Нивните адвокати имаат право на жалба до Апелациониот суд во Белград.
Николиќ во март 2012 година беше уапсен со уште седум други соработници во Нови Сад и во Краљево под сомнение дека тие долго време се занимавале со шверц на синтетичка дрога. Групата ја набавувала дрогата од Косово и Метохија.
Во меѓу време Николиќ му беше дозволено да се брани на слобода, но на 8 ноември, по наредба на Обвинителството за организиран криминал повторно е уапсен, бидејќи заедно со три други осомничени се обиделе со десетици илјади евра да поткупат сведоци.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
