Груевски на терен - ќе изврши увид на поплавените подрачја во Новаци и Могила
Премиерот Никола Груевски денeска на терен ќе ги посети поплавените подрачја во Новаци и Могила, како и повеќе населени места во битолско кои беа зафатени од невремето.
Премиерот придружуван од министерот за транспорт и врски Миле Јанакиески ќе оствари средби и со граѓаните од поплавените локации во општината Новаци.
Во 14:00 часот, премиерот Груевски ќе оствари средба со граѓаните од поплавените локации во општина Новаци, а во 14:30 часот, ќе одржи состанок со локалниот кризен штаб во општината Новаци, на кој ќе присуствуваат градоначалниците на општина Битола Владимир Талески, на општина Новаци Лазар Котевски и на општина Могила Стево Пивковски.
Потоа, премиерот Груевски ќе оствари средба со претседателот на Сојузот на земјоделци Вељо Тантаров и група земјоделци, во општината на Новаци.
Во 15:30 часот, ќе ги посети општина Могила и оштетениот мост на река Шемница (на 2 километри од Могила), а потоа и поплавените локации во село Ношпал по стариот пат за Прилеп.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
