Карапетрова со прашање за училиште во село Фалиш и градинка во село Јегуновце

На денешната 23 седница на Собранието на Република Македонија која e наменета за поставување пратенички прашања, пратеничката на ВМРО-ДПМНЕ Светлана Карапетрова постави три прашања поврзани со проблемите со кои се соочуваат жителите на тетовскиот регион.

Крапетрова му постави прашање на Заменик министерот за образование и наука Спиро Ристовски до кое се однесуваше на постапката за доизградба на училиштето во село Фалиш.

Заменик министерот Ристовски соопшти дека е запознаен со случајот за ова училиште и ја информираше пратеничката дека министерството во изминатиот периот работело на подготвување на документацијата за да може да се пристапи кон реализација. Министерството за образование е свесно дека е неопходна доизградба на ова училиште пред се ако се земе во предвид дека во ова место се соочуваме со зголемен број на првооделенчиња секоја година.

Прашање беше поставено и до Министерот за труд и социјална политика околу градинката во село Јегуновце која се наоѓа во лоша состојба и не ги исполнува основните потреби за објект од ваков тип. Карапетрова праша дали се планирани некакви активности за надминување на овој проблем.

Министерот најави дека од спроведените предходни анализи утврдена е неопходна потреба за изградба на градинка во ова населено место. Тој посочи дека во соработка со општината е работено за изготвување на соодветна документација и изнаоѓање на нова соодветна локација за изградба на нов објект. Оваа постапка веќе е завршена и веќе е распишана јавна набавка за избор на изведувач за новиот објект за градинка во село Јегуновце.

Карапетрова дополнително побара на писмено да и биде одговорено од страна на Министерството животна средина и просторно планирање околу фекалната канализација во село Брвеница кој што претставува најголем проблем на жителите на ова населено место.