Руските оклопни возила напредуваат во Украина
Украинската војска објави дека колона руски оклопни возила напредува на југоистокот на Украина каде е отворен нов фронт во понеделникот.
- Имаме информации за напредувањето на колоната составена од 100 возила, меѓу кои има тенкови, оклопни возила, ракетни системи Град на патот Старобешеве - Телманове, соопшти украинскиот информативни центар.
Колоната се движи кон локалитетот Телманове, околу 20 километри од руската граница односно 80 километри од Доњецк.
Телманове се наоѓа 40 километри северно од Новоазовска, каде украинските власти во понеделникот ја застанаа колоната со руски оклопни возила.
Украинските сили и проруските сепаратисти во вторникот размениле топовки оган и воделе копнени борби.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
