Таткото на исчезнатото девојче добил застрашувачки повик - еве како му се заканиле

Игор Стојановиќ, таткото на исчезнатата Марина, денеска примил застрашувачки повик. Како што пренесува српскиот Ало, очајниот татко добил повик кој траел неколку секунди, а потоа врската се прекинала.

- Поубаво ти е да не се плеткаш со медиумите за исчезнувањето на ќерка ти и не треба да те интересира дали е мртва или жива, било она што таткото го слушнал од другата страна на слушалката по што врската веднаш била прекината.

Таткото сепак и покрај заканите вели дека нема сила која ќе го спречи да ја бара својата 17-годишна ќерка.

- И покрај тоа што полицијата трага по моето дете, и јас заедно со семејството, пријателите роднините си започнав своја истрага. Мислам дека од полицијата нема корист, но јас нема да се смирам додека не си го најдам детето, вели Игор.