Изгубен дијамант вреден 12 милиони фунти - кој ќе го пронајде може да го задржи

Неверојатната вест ги воодушеви жителите на Велика Британија. На подрачјето помеѓу Линколншир и Геинсбург паднал дијамант вреден дури 12 милиони фунти, а ќе му припадне на оној што ќе го најде. 

Дијамантот бил монтиран на голем балон со хелиум и требало да биде лансиран во вселената. Но кога балонот се качил превисоко експлодирал, а дијамантот паднал назад на земјата.

Овој неверојатен чин го изведе славниот лондонски јувелир и соосновач на 77 Diamonds Тобијас Корминд за да си го зголеми својот публицитет, пренесува Индепендент.

Цивилно - военото воздухопловство процени дека дијамантот паднал на отприлика осум километри на патот од Леа до Геинсбург.