Заменик-претседателот на Владата, Александар Николоски, денеска од Охрид упати честитка по повод празникот Богојавление, нарекувајќи го Водици „најголем празник за Охрид“.
Николоски изрази задоволство од одличната организација и огромниот број посетители, нагласувајќи дека заедничката работа на локалната самоуправа и Владата придонесува за промоција на македонската традиција пред светот.
„Да честитам на оној кој што го фати крстот, да посакам добро здравје и среќа да го пратат во текот на годината. За убави работи да се гледаме!“, порача вицепремиерот во празничната изјава.