Кратко невреме ја зафати територијата на Општина Крива Паланка, предизвикувајќи проблеми на повеќе патни правци и улици.
По стивнувањето на невремето, до Територијалната противпожарна единица Крива Паланка пристигнале повеќе дојави за паднати дрвја.
Штети и блокирани сообраќајници биле регистрирани во селото Конопница, селото Мождивњак и на улицата „Св. Јоаким Осоговски“.
Дежурните екипи на ТППЕ Крива Паланка веднаш излегле на терен за расчистување на теренот и отстранување на дрвјата.
Во интервенциите било ангажирано едно противпожарно возило со три пожарникари.
На терен се вршела заедничка координација со екипите на ЈП „Македонија пат“ – Секција Крива Паланка и дежурните служби на ЕВН.