Управата за хидрометеоролошки работи (УХМР) попладнево регистрираше изолиран развој на нестабилна облачност во неколку региони во земјата, главно позиционирани во источниот и во југоисточниот дел.
Според официјалните метеоролошки податоци, нестабилноста е проследена со локални врнежи од дожд.
„Во Струмично и крајниот исток има изолиран развој на нестабилна облачност, проследена со пороен дожд и појава на ретки грмежи.“
Дежурните синоптичари преку радарските системи ја следат состојбата со облачноста на терен, која е најизразена во близина на пограничните предели.
„Според радарската слика слаба нестабилност проследена со ретки грмежи и слаби врнежи од дожд имаме на југоистокот од Македонија односно во планинските предели североисточно од Струмица и источно од Берово на границата со Бугарија.“
Граѓаните од овие региони се повикуваат на будност при евентуално засилување на процесите во наредните часови.