Тешка несреќа при работа се случила вчера во Кавадарци, во која со сериозни повреди се здобил 34-годишен жител на селото Ваташа. Според информациите од СВР Велес, младиот маж со иницијали А.М. бил итно пренесен во кавадаречката Општа болница со тешки телесни повреди.
Инцидентот се случил додека работникот извршувал тековни работни задачи во една од поголемите фабрики во градот. Веднаш по пријавата, во фабриката пристигнала увидна екипа, а за случајот се известени и надлежните институции кои треба да утврдат дали биле испочитувани протоколите за заштита.