Неколку лица се повредени во насилен инцидент што се случи во училиште во шведскиот град Фагерста, во централниот дел на земјата.
Полицијата употребила огнено оружје за да го неутрализира напаѓачот, по што тој бил приведен.
„Добивме дојава за сериозен насилен инцидент во училиште во Фагерста. Полициските екипи веднаш излегоа на терен“, се наведува во официјалното соопштение на шведската полиција.
Според информациите од општинските власти во Фагерста, лицето било вооружено со меч и успеало да нанесе повреди на повеќе лица пред да биде совладано од безбедносните сили.
Засега не се соопштува точниот број на повредени лица, ниту пак тежината на нивните повреди.
Полициските екипи и итните медицински служби се сè уште на терен, додека истрагата треба да ги утврди мотивите и околностите под кои се случил нападот.
Надлежните органи апелираа до граѓаните да ги почитуваат безбедносните зони и доследно да ги следат упатствата на службените лица.