Бројот на работници во индустријата во февруари годинава е намален за 3,4% во однос на истиот месец лани, соопшти Државниот завод за статистика.
Најголемо намалување е забележано во секторот Рударство и вадење камен – 6,3%, додека во Преработувачката индустрија бројот на работници се намалил за 3,4%, а во секторот Снабдување со електрична енергија, гас, пареа и климатизација – 0,4%.
Според главните индустриски групи, намалувања има во Енергија за 2,4%, Капитални производи за 4,5%, Нетрајни производи за широка потрошувачка за 4,1% и Интермедијарни производи, освен енергија, за 3,0%. Единствено во групата Трајни производи за широка потрошувачка е забележано зголемување од 1,6%.