Двајца возачи се лишени од слобода ноќеска во Охрид и Кичево, откако полицијата утврдила дека управуваат возила под тешко дејство на алкохол, со измерени вредности од над 1,6 промили.
Првиот случај е регистриран во Кичево, каде 50-годишен жител на Македонски Брод возел „Киа“ со 1,68 промили алкохол во крвта.
-Денеска во 00:14 часот, во кичевската населба „Горица“ лишен од слобода е Г.Р.(50) од Македонски Брод. При извршена контрола во патниот сообраќај, полициските службеници сопреле моторно возило „Киа“ кое тој го управувал и притоа, кај него констатирале 1,68 промили алкохол во крвта. Истиот, веднаш е исклучен од сообраќај и по целосно документирање на настанот, против него ќе биде поднесена кривична пријава по член 297 од Кривичниот законик „Безобѕирно управување моторно возило““, велат од СВР Охрид.
Половина час подоцна, во Охрид е приведен 41-годишен возач на „Сузуки“ кај кого биле констатирани 1,67 промили.
„Денеска во 00:40 часот, во СВР Охрид приведен е И.Д.(41) од Охрид. При контрола во патниот сообраќај извршена на улицата „Партизанска“ во Охрид, полициските службеници сопреле моторно возило „Сузуки“ со охридски регистарски ознаки кое тој го управувал и притоа, кај него констатирале 1,67 промили алкохол во крвта. Истиот, веднаш е исклучен од сообраќај и по целосно документирање на настанот, против него ќе биде поднесена кривична пријава по член 297 од Кривичниот законик „Безобѕирно управување моторно возило“, велат од СВР Охрид.