Силното невреме проследено со катастрофални последици што вчера го зафати скопскиот регион, остави зад себе огромни материјални штети.
Под силниот налет на ветерот целосно се урнала фасадата на основното училиште „Браќа Миладиновци“.
Низ улиците во повеќе скопски населби има паднати дрвја, оштетени возила и одлетани покриви.
Застрашувачката ситуација од теренот преку социјалните мрежи ја опиша Александра Џаџовска Пандиловска:
„Страшно невреме, на пострашно не сум сведочела. Падна фасадата на ОУ Браќа Миладиновци, гори пожар во Ќерамидница. Да не зборувам за паднати дрвја,смачкани автомобили, одлетани покриви и слично. Апокалиптични сцени во Аеродром.“