Лил Поп, кој беше од Џексонвил, потпиша договор со раперот Јо Готи и неговата издавачка куќа Collective Music Group, а неговите песни ги вклучуваат хитовите „Love & War“, „Mind Over Matter“ и „Happy Tears“.
Неговиот последен студиски албум беше минатогодишниот „Almost Normal Again“. Само неколку дена пред неговата смрт, тој објави нова песна, „Out of Town Bae“.
Музичкиот продуцент Скоти ОТХ изјави за локалната станица на NBC WTLV во Џексонвил дека Вилер бил исклучително вреден и посветен.
„Никогаш не сум видел некој да работи понапорно од него. Попа е последниот човек што останува во студиото“, рече Скоти.
Тие ја направија својата прва песна заедно пред повеќе од пет години.
- Јас правев битови, а тој правеше музика. Во 2018 или 2019 година, го снимивме нашиот прв сингл заедно, но надвор од музиката, имаше длабока врска меѓу нас. Тој ми беше како семејство. Се нарекувавме братучеди, – додаде Скоти.
Фотографот Теренс Тајсон, кој го документираше подемот на Лил Поп кон славата, рече дека смртта на раперот ја шокирала заедницата во Џексонвил.
- Знам колку напорно работевме јас и многу други за да го однесеме таму каде што сакаше да биде. Тоа беше шок и огромна загуба, – рече Тајсон.
- Кога го постигна, се чувствувавме како сите ние да успеавме. Тој беше вистинска ѕвезда.