Денеска во Њујорк, заедно со претседателот на Владата разговаравме со државниот секретар на Соединетите Американски Држави, Марко Рубио. Ова на Фејсбук го напиша министерот за надворешни работи, Тимчо Муцунски.
-Средбата беше уште една потврда за значењето на партнерството и континуираниот дијалог меѓу двете земји.
Разменивме мислења за прашања од заеднички интерес, билатералната соработка и сојузништвото во НАТО, со јасна определба за натамошно продлабочување на односите засновани на доверба, блиска соработка и споделени интереси.
Стратешкиот дијалог останува важна рамка за конкретно унапредување на соработката.
Во време на сериозни геополитички предизвици, силните партнерства и директната комуникација со нашите сојузници имаат уште поголемо значење, напиша тој.