Полициски службеници од Полициска станица за граничен надзор – Михајлово при Регионален центар за гранични работи – Југ и од Полициско одделение за безбедност на патниот сообраќај – Неготино вчера, во близина на клучка Неготино, лишија од слобода 24-годишно лице од село Студеничани, скопско.
Претходно, полициските службеници добиле сознанија дека лицето превезува мигранти на патот Гевгелија – Демир Капија. На дадениот знак за запирање, возачот не застанал, но по преземени мерки возилото било присилно запрено. При пребарување на теренот биле пронајдени 10 лица – мигранти од Египет.
Мигрантите се сместени во Прифатно-транзитен центар – Винојуг, Гевгелија за понатамошна постапка. Против возачот е поднесена кривична пријава за „криумчарење мигранти“, а од судија на претходна постапка му е изречен притвор во траење од 30 дена.
ФОТО: МВР