УХМР ги измери температурите во осум часот во градовите низ Македонија. Попова Шапка како и секој ден, така и денеска, е со најниска утринска температура од 12 степени.
Најтопло е во Гевгелија каде утрово во 8 часот УХМР измери 21 степени. 20 степени се измерени во Скопје, Велес и Кавадарци.
Времето денеска во Македонија ќе биде променливо облачно и топло со сончеви периоди. Ќе дува умерен до засилен ветер (40km/h) од северен правец, особено во источните делови.
Минималната температура ќе биде во интервал од 9 до 18, а максималната ќе достигне од 26 до 34 степени.
Во Скопје, променливо облачно и топло со сончеви периоди. Ќе дува слаб до умерен ветер од променлив правец.