Денес времето ќе биде променливо облачно и топло, со повремени сончеви периоди. Во попладневните часови се очекува локална нестабилност проследена со пороен дожд, грмежи и засилен ветер. На одделни места временските непогоди може да бидат поизразени, со пообилни врнежи и можност за појава на град. Ќе дува слаб до умерен ветер од променлив правец. Утринските температури ќе се движат од 10 до 17 степени, додека дневните ќе достигнат меѓу 25 и 31 степен Целзиусов.
Во Скопје ќе преовладува променливо облачно и топло време со сончеви интервали. Во попладневните часови во одредени делови од котлината се можни нестабилни временски услови со пороен дожд, грмежи и засилен ветер. Ќе дува слаб до умерен ветер со променлив правец. Минималната температура ќе биде околу 15 степени, а максималната ќе достигне до 31 степен.
Според прогнозата на УХМР, од утре па сè до почетокот на следната седмица ќе преовладува умерено облачно време со сончеви периоди. Ќе дува умерен, а повремено и засилен ветер, претежно од северен правец.