Македонски државјанин вчера го загуби животот во тешка сообраќајна несреќа што се случила на државниот пат 16 „Адријатика“ во близина на Ортона, јавуваат италијанските медиуми.
Според извештаите, жртвата е 31-годишниот Стефан Ѓероски, роден во Македонија, кој живеел во Ортона.
Тој настрадал додека управувал со автомобил „фолксваген голф“, кога под засега неутврдени околности излетал од коловозот и силно се удрил во потпорен ѕид покрај патот. Возачот подлегнал на повредите и починал на самото место.