Претседателот на Владата, Христијан Мицкоски, денеска ќе престојува во работна посета на Општина Аеродром, каде ќе го означи почетокот на големиот проект за обнова на локалната патна мрежа.
Станува збор за реконструкција на вкупно 19 улици низ општината, со што се очекува значително подобрување на инфраструктурата во овој дел од градот.
„Како што најави владината прес-служба, предвидено е на настанот премиерот Мицкоски да даде изјава за медиумите“, се наведува во соопштението.
Оваа активност е дел од најавениот бран инфраструктурни инвестиции на централната власт во соработка со единиците на локалната самоуправа.