Денеска бевме дел од отворање на Генералното собрание на Обединетите нации. На Фејсбук ова го напиша македонскиот премиер, Христијан Мицкоски.
-Настан кој ги обединува претставниците на државите од целиот свет и претставува важна платформа за разговори за глобалните предизвици, мирот, безбедноста и иднината на меѓународната соработка, напиша Мицкоски.
Премиерот додаде дека со гордост ја претставуваат Македонија на местото каде што се носат важни одлуки за светот и каде што се градат партнерства засновани на почит, дијалог и заеднички интереси.