Претседателот на Владата, Христијан Мицкоски, денеска во Скопје ќе учествува на Годишниот состанок на Управниот одбор на Центарот за извонредност во финансиите – ЦЕФ (2026 Annual Meeting of the CEF Governing Board).
Според информациите од владината прес-служба, состанокот ќе се одржи во хотелот „DoubleTree by Hilton“ во Скопје. По неговото завршување, во 11 часот е предвидено премиерот Мицкоски да даде изјава за медиумите.
Центарот за извонредност во финансиите (ЦЕФ) е водечка регионална институција која им обезбедува поддршка на земјите од Југоисточна и Источна Европа во спроведувањето на реформи, јакнењето на јавните институции и напредокот во процесот на европска интеграција.