Три нови странски инвестиции во вкупна вредност меѓу 110 и 120 милиони евра најави премиерот Христијан Мицкоски. Според планот, влезот на германски, грчки и турски капитал ќе отвори над 1.500 нови работни места.
Новите капацитети ќе бидат фокусирани во автомобилската индустрија, високите технологии и фармацевтскиот сектор, а ќе се градат на локации во Тетово и во индустриските зони во Скопје.
Мицкоски потенцираше дека Владата води силен инвестициски циклус чија крајна цел е подобрување на животниот стандард.
„Владата очекува во 2026 година, со нов закон и активни мерки, за првпат да се постигне едноцифрена стапка на невработеност. За активните мерки за вработување, во Буџетот за следната година се предвидени околу 2,4 милијарди денари, односно рекордни 40 милиони евра“, истакна премиерот.