Времето утре сончево со мала до умерена облачност. Попладне ќе има услови за локална појава на пороен дожд и грмежи. Ќе дува слаб до умерен ветер, во западните делови од западен, а долж Повардарието од југоисточен правец, соопшти УХМР.
Во Скопје, сончево со мала до умерена облачност. Попладне во делови од котлината ќе има услови за краткотраен пороен дожд и грмежи. Ќе дува слаб до умерен ветер од југоисточен правец.
Следните денови ќе биде променливо облачно со сончеви периоди. Во попладневните часови ќе има локален развој на нестабилна облачност со пороен дожд, грмежи и засилен ветер. Под влијание на циклонска активност во четврток ќе има поинтензивни процеси со пообилен пороен дожд (над 20 l/m²), грмежи, засилен ветер и услови за изолирана појава на град.