Меџити: Оставките мора да се прифатат, нема дилеми

Пратеникот на ДУИ, Изет Меџити денеска изјави дека понудените оставки на министерот за здравство и неговиот заменик, Венко Филипче и Илир Хасани, мора да бидат прифатени.

„Мислам дека нема дилема, тие поднесоа оставки и треба да се прифатат, мислам дека тоа е морален чин. Во развиените демократски градови, поради позицијата што ја вршите и да немате одговорност директно, кога ќе се случи несреќа, министерот за транспорт или други министри поднесуваат оставка од морални причини и тука јас воопшто немам дилема“, изјави Меџити.