Претседателката на Унијата на жени на ВМРО-ДПМНЕ, Марија Митева, остро го осуди насилството врз младата девојка во Охрид, повикувајќи го Јавното обвинителство итно да постапи и целосно да го расчисти случајот.
Митева нагласува дека не смее да има одолговлекување во институционалното постапување и дека одговорните мора да се соочат со правдата.
„Остро и недвосмислено го осудувам насилството врз младата девојка во Охрид. Очекувам Јавното обвинителство да дејствува итно, без одолговлекување! Случајот мора целосно да се расчисти и да има правда!
Насилството е недозволиво, нема оправдување, ниту смее да има премолчување или релативизирање!“, порача Митева.

