Опозициските партии СДС, Левица и ДУИ уште еднаш покажаа дека се насочени исклучиво кон спроведување на блокади во државата, се наведува во денешната реакција од владејачката ВМРО-ДПМНЕ. Портпаролот на партијата, Валентин Манасиевски, преку прес-конференција посочи дека овие три политички субјекти свесно се повлекле од процесот во моментот кога требало да се финализира договорот за кој претходно со месеци се преговарало.
Според тврдењата на Манасиевски, претставниците на опозицијата активно учествувале на сите работни состаноци, при што нивните амандмани и сугестии за измени биле целосно прифаќани од мнозинството. Сепак, како што алармираат од владејачката партија, наместо преземање одговорност и ставање потпис на решенијата, тие решиле да го минираат сопствениот договор.
Од партијата додаваат дека зад ваквото однесување стои страв од реформските успеси на земјата и обид за вештачко создавање на нова политичка криза, наместо исполнување на преземените меѓународни и домашни обврски.
Во продолжение е интегралниот текст од официјалното соопштение на ВМРО-ДПМНЕ:
„СДС, Левица и ДУИ уште еднаш покажаа дека нивната единствена политика е политиката на блокади, пишува во денешното соопштение од прес-конференција на портпаролот на ВМРО-ДПМНЕ, Валентин Манасиевски, што МИА го пренесува интегрално. Со месеци седеа на работни средби, предлагаа измени, бараа корекции и нивните барања беа прифаќани. Кога дојде време да стават потпис и да покажат одговорност, избегаа од сопствениот договор. Тоа најдобро покажува дека проблемот никогаш не бил Изборниот законик. Проблемот е што СДС, Левица и ДУИ не можат да поднесат уште еден реформски успех на Македонија.“