Членот на Централниот комитет на ВМРО-ДПМНЕ, Валентин Манасиевски, на денешната прес-конференција упати остри критики до лидерот на СДСМ, Венко Филипче, обвинувајќи го за водење антидржавна политика во интерес на Бугарија.
Според Манасиевски, Филипче со своите ставови покажува дека нема проблем со идентитетските прашања и прифаќањето на бугарските барања.
„Пиунот на Радев, Венко Филипче призна дека СДС има исти позиции со Бугарија. Пиунот на Радев, Венко Филипче, нема ништо против да бидеме нарекувани северномакедонци. Филипче е поголем негатор на Македонија и македонскиот народ, дури и поголем од Заев и од Бугарија“, изјави Манасиевски.
Тој посочи дека Филипче е главниот поборник за уставните измени во земјава, и покрај изјавите на бугарските официјални претставници кои ги нарекуваат граѓаните „северномакедонци“.
„Филипче повторно вели, зошто да не ги внесеме Бугарите во уставот, кога тоа не е никаков ризик, ниту пак го загрозува нашиот идентитет. Сето ова, додека бугарската министерка Петрова Чамова вели дека сме ‘северномакедонци’“, додаде Манасиевски.
Од ВМРО-ДПМНЕ јавно прашуваат со што е уценет лидерот на СДСМ за да ги застапува овие позиции.