Со низа манифестации и положување цвеќе, денеска во земјата се одбележуваат 154 години од раѓањето на големиот македонски револуционер и визионер, Гоце Делчев. Централниот настан ќе се одржи во дворот на црквата „Свети Спас“ во Скопје, каде што почиваат неговите посмртни останки.
Почит пред саркофагот на Делчев ќе оддаде премиерот Христијан Мицкоски, заедно со собраниска делегација предводена од потпретседателката Весна Бендевска и пратениците Сергеј Попов, Даниела Белимова и Сања Лукаревска. На чествувањето најавено е присуство и на делегации од Град Скопје, државни институции, политички партии и здруженија на граѓани.
Гоце Делчев, кој светот го разбираше како поле за културен натпревар меѓу народите, останува симбол на македонската борба за слобода и државност. Неговиот лик и дело денеска се слават како темел на националниот идентитет.