Возач на камион, државјанин на Северна Македонија со иницијали М.Ј., загина синоќа во сообраќајна несреќа што се случи на автопатот Врање – Ниш, во близина на Богоевац кај Лесковац.
Несреќата се случила околу 01:50 часот по полноќ кога возачот, управувајќи камион со приколка, најверојатно поради неприлагодена брзина излетал од коловозот. По слетувањето, возилото се запалило и целосно изгорело, а телото на возача било пронајдено внатре во камионот.
На местото на настанот интервенирале екипи на противпожарната служба, брзата помош и полицијата, која извршила увид. Истрагата е во тек за утврдување на точните причини за трагедијата.