Српската полиција го лиши од слобода 66-годишниот М.З., државјанин на Северна Македонија, под сомнение дека извршил серија тешки кражби во верски објекти. Апсењето е извршено во Нови Пазар по интензивна потрага.
Како што соопшти Полициската управа во Нови Пазар, тој се товари дека во краток временски период оштетил неколку верски заедници во регионот.
„Тој е осомничен дека од 29 април до 1 мај годинава крадел пари од четири џамии на територијата на Нови Пазар, Тутин и Сјеница“, стои во официјалното соопштение на српското МВР.
Освен за кривичните дела, против 66-годишниот македонски државјанин ќе биде поведена и дополнителна постапка пред надлежните органи.
„Против него е поднесена прекршочна пријава согласно Законот за јавен ред и мир“, прецизираат од полицијата.
Осомничениот е задржан во полициска станица, по што ќе биде изведен пред јавен обвинител во Нови Пазар за понатамошно процесуирање.