Припадници на српската полиција во Врање приведоа државјанин на Северна Македонија, кој се сомничи за извршување на продолжено кривично дело измама.
Според полициското соопштение, осомничениот С.К. (1970) во периодот од 4 до 13 јуни годинава телефонски контактирал тројца граѓани од врањскиот регион. Тој им се јавувал на фиксните телефони и лажно се претставувал како лекар од Северна Македонија.
Осомничениот ги доведувал граѓаните во заблуда со тврдења дека нивни блиски членови на семејството наводно се тешко повредени. По телефонскиот разговор, С.К. заминувал директно на нивните домашни адреси, од каде што подигнувал големи суми пари.
Против приведениот македонски државјанин ќе биде поднесена соодветна кривична пријава до надлежното обвинителство.