Рускиот министер за надворешни работи, Сергеј Лавров, порача дека Москва нема информации за деталите од безбедносните гаранции кои наводно ги договориле Вашингтон и Киев. Лавров, во изјава за ТАСС, истакна дека Русија нема да се потпира на јавни манифестации, туку ќе бара конкретни и суштински предлози на преговарачката маса.
Шефот на руската дипломатија упати остри критики до властите во Киев, нарекувајќи ги нивните политики „русофобни и неонацистички“.
„Не знаеме за какви гаранции се договориле, но судејќи по сè, станува збор за заштита на режимот кој води неонацистичка политика. Нема да се ориентираме според јавните игри“, истакна Лавров.