Откако јавно го разоткривме енергетскиот откопод и ги објавивме фактите, бизнис-мрежата на Мицкоски, од Адамовиќ до „Руднап“, се обиде повторно да ја руши СДСМ од внатре. Фатени во криминални скандали, без никакви резултати зад себе, ВМРО-ОКГ нема друго решение освен да се обиде да ја поткопува СДСМ, се вели во соопштението на СДСМ од денешната прес-конференција на партиската портпаролка Богданка Кузеска.
Последните анкети, спроведени од самата ВМРО, покажуваат пад на довербата во власта и раст на рејтингот на СДСМ. Токму поради тоа се активира таканаречената „Платформа“ – платформа за рушење на СДСМ од внатре, наводно осмислена од страна на ВМРО.
Според соопштението, се користат уценети лица и се нудат пари, вработувања и бизнис-промоции преку осигурувања, банки и фирми.
„Но, ние нема да дозволиме рушење на СДСМ. Овие очајнички обиди на ВМРО нема да успеат. СДСМ има нова сила и енергија, и останува посветена на борбата против криминалната власт на Мицкоски и ВМРО“, истакнуваат од партијата.
СДСМ ќе продолжи да ја објавува вистината за секој криминал на власта, со цел да се спротивстави на корупцијата. „Посилни од кога било, му дадовме ветување на ВМРО: сите ќе одговараат. Продолжуваме да ги разоткриваме сите криминално-коруптивни дејствија на ВМРО и Мицкоски. Подготвуваме обвиненија за денот кога ќе функционира слободно обвинителство и судство. Нема да се занимаваме со уценети поединци кои работат за криминалната група. Во СДСМ имаме договор, а до ВМРО имаме ветување – сите ќе одговарате“, заклучуваат од партијата.