Кичевчанец носел нелегален пиштол, а дома чувал кокаин – заработи кривична

ОВР Кичево поднесе кривична пријава против А.З.(26) од Кичево поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанци и прекурсори“ по член 215 и „неовластено изработување, држење, посредување и тргување со оружје и распрскувачки материи “ по член 396 од Кривичниот законик.

На 31.10.2026 година во 01:35 часот на булевар „Ослободување“ во Кичево, пријавениот беше лишен од слобода затоа што агресивно се однесувал кон полициски службеници кои преземале службени дејствија, при што кај него се пронајдени и одземени малокалибарски пиштол калибар 22 мм и 31 куршуми, кои нелегално ги поседувал, соопштија од МВР.

Подоцна, при претрес во неговиот дом, извршен со судска наредба, пронајдена се и одземени една опаковка со кокаин и неколку други опаковки со остатоци од кокаин.