Секторот за внатрешни работи Тетово поднесе кривична пријава против 67-годишниот К.К. од Тетово, под сомнение за сторено кривично дело „напад врз службено лице при вршење работи на безбедноста“.
Според информациите од полицијата, инцидентот се случил на 29 мај годинава на Акушерското одделение во болницата во Тетово, каде што пријавениот бил вработен. Тој започнал агресивно да се однесува кон своја колешка, по што и физички ја нападнал и ја турнал.
По целосно документирање на случајот, полицијата ја комплетираше пријавата и ја достави до надлежното обвинителство за понатамошна постапка.