Ковачевски: Со посетата на бугарската делегација во Битола се разбудија духовите од минатото поттикнувајќи го говорот на омраза

Од првиот ден на мојот мандат како премиер, реков дека не отстапувам од тоа разговорите меѓу Северна Македонија и Бугарија да се водат достоинствено и во духот на европските вредности.

Ова во видео-обраќање до нацијата го истакна премиерот Димитар Ковачевски осврнувајќи се на говорот на омраза во јавноста откако во Битла се отвори бугарски клуб со името на Ванчо Михајлов.

Според него, провокациите поттикнале говор на омраза и недоверба со намера да го поткопаат и стават под сомнение досегашнио досегашниот напредок во дијалогот меѓу Скопје и Софија постигнат од, како што велат од Владата, силната определба со јасна визија и лидерство од двете страни може да се дојде до достоинствено решение на споровите за заедничка иднина во ЕУ.  

-Од првиот ден на мојот мандат како премиер, реков дека не отстапувам од тоа разговорите меѓу Северна Македонија и Бугарија да се водат достоинствено и во духот на европските вредности. Кон оваа определба се придржувавме цел овој период. Реализиравме конкректни заеднички проекти, ги подобривме односите и го намаливме говорот на омраза. За жал, со последната посета на бугарската делегација во Битола се разбудија духовите од минатото поттикнувајќи го повторно говорот на омраза и недовербата против кои успешно се боревме. Оттука, целосно го разбирам и чувствувам гневот на граѓаните во изминатите денови, рече Ковачевски.

Вели, провокациите ги повредуваат чувствата на граѓаните и ја загрозуваат европската определба на македонскиот народ.

-Нашата држава ја стекна својата независност по Втората светска војна во која граѓаните учествуваа во антифашистичката народно ослободителна војна. Антифашистичката определба на граѓаните е дел од нашиот национален идентитет со кој се гордееме во демократска Европа. Македонските граѓани се определени за членство во ЕУ, но провокации кои ги повредуваат нашите чувства како граѓани ја загрозуваат таа определба. Република Северна Македонија е суверена држава и имаме должност да го чуваме нашето достоинство. Имаме стратешка цел за влез во ЕУ, но достоинствено со својата национална гордост и посебност, вели Ковачевски.

Според него, не смее да се дозволи враќање назад и потези кои значат еднодневна политичка корист.

-Верувам дека треба да продолжиме и да работиме на зајакнување на дијалогот и унаредување на односите меѓу двата народи до конечно решавање на спорот. Но, за тоа да биде успешно, ниедна од страните не смее да прави чекори назад. Не смееме да дозволиме постојано враќање кон минатото и потези кои значат еднодневна политичка корист, а долгорочна штета на кревките односи кои ги градиме. Република Северна Македонија ќе ги продложи реформите во сите области со кои ќе ја подготвиме земјава за полноправно членство во Унијата. Тоа се процеси кои ги водиме за наше добро, за развој на нашата земја и подобри услови за граѓаните.“, рече премиерот Ковачевски, рече Ковачевски.