Просторот покрај реката Серава во Бутел 1, кој со години беше запуштен и неуреден, добива нов лик.
Градоначалникот на Општина Бутел, Дарко Костовски, објави дека просторот се трансформира во нова, уредена зона наменета за рекреација и одмор.
„Создаваме ново место за прошетка, рекреација и дружење, простор каков што заслужуваат жителите на Бутел 1“, порача Костовски.
Тој додава дека целта е запуштениот простор покрај Серава да прерасне во уредено и пријатно место за живот и секојдневно користење од страна на граѓаните.