Од Електродистрибуција информираат дека поради технички зафати, реконструкција на мрежата и инвестициски активности во електродистрибутивниот систем, денеска (8 октомври) без струја ќе останат неколку делови од главниот град и околните општини.
Во Општина Илинден, прекинот ќе трае од 08:00 до 13:00 часот и ќе ги опфати дел од Мралино, дел од Кадино, бензинската пумпа „Дади компанија“ и дел од Дрма.
Во Општина Петровец, од 08:30 до 15:00 часот, поради реконструкција на нисконапонски извод од трафостаницата во село Горно Блаце, без напојување ќе останат дел од потрошувачите во село Горно Блаце и Петровец.
Во Општина Кисела Вода, од 10:30 до 15:30 часот, без електрична енергија ќе бидат корисниците на улицата Караџица во населбата Пржино.
Во Општина Аеродром, од 16:30 до 19:00 часот, без струја ќе биде објектот на булеварот Јане Сандански бр. 109А, каде што е сместен „Интерспаце“.
Од надлежните служби апелираат граѓаните од наведените реони навремено да се подготват за прекините во снабдувањето.