Поради планирани технички зафати во електродистрибутивната мрежа, денеска (02.09.2026 година) делови од скопските општини Чаир, Карпош и Центар привремено ќе останат без снабдување со електрична енергија.
Во општина Чаир, поради зафат во нисконапонската мрежа, прекин во снабдувањето ќе има за дел од објектите на улицата „Битпазарска“, поточно во околината на хотел „Аен“. Прекинот ќе трае од 08:00 до 15:00 часот.
Во Карпош, односно во населбата Влае, без струја ќе останат дел од корисниците лоцирани на улицата „Драгутин Аврамовски – Гуте“. Исклучувањето е планирано во периодот од 09:00 до 11:00 часот.
Прекин на електричната енергија ќе има и во централното градско подрачје. Од 09:00 до 14:00 часот без напојување ќе бидат дел од корисниците на улиците „Герман“ и „Железничка“ во општина Центар.
По завршувањето на интервенциите на терен, снабдувањето со електрична енергија ќе биде нормализирано.