Делови од Скопје денеска ќе останат без вода и електрична енергија поради дефекти и планирани работи на мрежите.
Без вода од 9 часот до отстранување на дефектот ќе бидат корисниците на улицата „Маца Карбева“ и населбата Трета зона Припор во општина Кисела Вода. Од 10 часот до завршување на работите, без водоснабдување ќе остане и дел од корисниците на улицата „Златко Шнајдер“ во општина Центар.
Од Центарот за управување со кризи (ЦУК) информираат дека прекините во водоснабдувањето се поради уличен дефект на улицата „Маца Карбева“ и изведба на водоводен приклучок на улицата „Златко Шнајдер“.
Без електрична енергија од 9 до 11 часот ќе бидат корисниците на улица 4 во Зелениково, а од 12 до 15 часот дел од корисниците на улицата „Китка“, лево од гробиштата по ридот, во општина Кисела Вода.
Од ЦУК посочуваат дека прекините во снабдувањето со електрична енергија се поради планирани зафати во електродистрибутивната мрежа.