Поради закажани работи на електродистрибутивната мрежа, денеска ќе има привремени прекини во снабдувањето со електрична енергија во делови од општините Илинден и Ѓорче Петров.
Според информациите од ЕВН Македонија, од 8:30 до 15:30 часот без електрична енергија ќе останат потрошувачите во селата Текија, Дељадровци и Миладиновци во општина Илинден.
Во општина Ѓорче Петров, прекин на снабдувањето е најавен од 9:30 до 14:30 часот за дел од улицата Ѓуро Салај, улиците Алекса Демниевски, 19 и Даутица, како и за објектот на основното училиште во тој дел од општината.