Повеќе локации во Скопје денеска ќе бидат зафатени со планирани прекини во снабдувањето со електрична енергија. Исклучувањата ќе се одвиваат во различни временски интервали, во зависност од локацијата.
Во општина Чаир, од 8 до 11:30 часот, без струја ќе бидат дел од корисниците на улиците „Славеј Планина“, „Прохор Пчински“ и „Јоаким Крчовски“.
Прекин од 9 до 12 часот е најавен за дел од Горно Соње, во општина Сопиште. Во истиот период, односно во текот на денот, без електрична енергија ќе бидат и компанијата СТХ ДОО Скопје во кругот на Стаклара и дел од околните објекти во општина Кисела Вода.
Во општина Аеродром, прекинот ќе трае од 9 до 14 часот и ќе ги опфати корисниците на улиците „Ѓорѓи Капчев“ бр. 31, „Ристо Аврамовски“ и „Димитар Солев“.
Исклучување од 9 до 13 часот е предвидено и за дел од корисниците на улицата „Боро Кралевски“ во Радишани, општина Бутел.
Од надлежните информираат дека прекините се поврзани со планирани зафати на електродистрибутивната и водоводната мрежа.