Сериозен шпионски скандал ја потресе Воената команда на НАТО во белгискиот град Монс, откако локалните власти уапсија канадска државјанка под сомнение за одавање доверливи информации. Осумничената жена, која извршувала стажирање во објектите на Алијансата (SHAPE), се соочува со тешки обвиненија за соработка со странски служби. Според официјалните соопштенија од белгиското обвинителство, истрагата е во тек, а надлежните органи во овој момент одбиваат да откријат дополнителни детали околу нејзиниот идентитет или точното име.
Како што пренесуваат регионалните медиуми, белгиското правосудство веќе ги презема сите правни чекори за расчистување на случајот и за утврдување на потенцијалната штета врз безбедносните протоколи на Алијансата.
Од белгиското обвинителство излегоа со официјална потврда за преземените дејствија:
„Таа е осомничена за шпионажа во име на трета земја и за членство во криминална организација“, објави обвинителството, а пренесе Индекс.хр.