Градоначалникот на Општина Чаир, Изет Меџити, изврши увид во градежните работи на Кампусот на Универзитетот „Мајка Тереза“, следејќи ја динамиката на реализација на проектот.
При посетата беше констатирано дека градежните активности се одвиваат според планираната динамика и дека кампусот постепено го добива својот конечен изглед.
Меџити истакна дека станува збор за значајна инвестиција во образованието и иднината на младите генерации, нагласувајќи дека проектот прераснува во модерен универзитетски комплекс.
Кампусот се смета за еден од поважните образовни проекти во државата, кој треба да придонесе за подобри услови за студирање, научна работа и развој на идните генерации.