Несреќната Јована Станковиќ од нишкото село Вртиште која на 21 година загина на 12. јуни во тешката несреќа која се случи кога минибус излета и се преврте на магистралниот пат Котор–Никшиќ, во местото Липци, Црна Гора, вчера беше испратена во вечниот дом.
-Дојдовме да ја тешиме мајката која е скршена од болка. Нема зборови за утеха во овие моменти. Го загуби својот ангел, својата душа. Тој човек ако не заспиел зад воланот, сега ќе спремавме свадба за Јована, а не погреб, велат роднини за спрките медиуми.
Според првичните информации од истрагата, постои сомнеж дека возачот поради замор и поспаност изгубил контрола над возилото.
Од црногорската полиција информираат дека со минибусот управувал 68-годишниот М.Љ. од Котор. Возилото најпрво удрило во карпа покрај патот, по што се превртело.
На возачот му е одреден притвор.
15 јули, беше прогласен за ден на жалост во Ниш. Веста за смртта на Јована длабоко ги потресе жителите на нишкото село Вртиште.
– Јована заврши средно училиште „12 февруари“ во Ниш. Потоа се вработи во една обложувалница во градот. Беше во долга врска, а најавуваа и свршувачка. На море замина со помладата сестра. Требаше сега да се вратат дома, но ги снајде трагична судбина – раскажал еден жител на Вртиште.
Соселаните велат дека особено ги погодиле околностите под кои се случила трагедијата.
– Каква е тоа правда? Веројатно се помолила, запалила свеќа, не знаејќи што ја чека. Судбина ли е, којзнае. Се зборува дека возачот бил уморен. Можеби и работодавачот го натерал да вози во таква состојба, не треба однапред никого да осудуваме. Жалосно е што Јована го плати тоа со својот живот – изјавил сосед на загинатата девојка.
Според податоците на српските медиуми, Јована седела до прозорецот на минубусот, и излетала од стаклото за време на несреќата.
Приватна Архива, Јована Станковиќ