Денешниот ден носи сончево време низ целата земја со мала до умерена локална облачност. Единствено во југозападните делови попладне е можна појава на слаб дожд и ретки грмежи. Ќе дува слаб до умерен северен ветер, а максималните дневни температури ќе се искачат до 25 степени. Во Скопје се очекува сончево време со температура до 25 степени.
Сепак, стабилниот период завршува на почетокот на неделата. Од вторник почнува период на променливо облачно време со врнежи од дожд.
„Во среда на повеќе места се очекува појава на нестабилна облачност со пороен дожд и грмежи. Од четврток ќе дува умерен до засилен северен ветер, а температурата ќе биде во позначително опаѓање“, информираат од УХМР.
Ваквиот тренд на постудено време ќе продолжи до крајот на неделата. Во петок и за време на викендот, граѓаните треба да се подготват за значително пониски температури, при што утринските вредности наместа ќе се спуштат и под нулата.