Дел од жителите на Маџир Маало и Дебар Маало денеска ќе останат без вода поради интервенции на водоводната мрежа, информира ЈП „Водовод и канализација“ – Скопје.
Во Маџир Маало, прекинот е поради уличен дефект на водоводна линија со профил Ф-2“ на улицата „Раде Јовчевски – Корчагин“.
Без вода ќе бидат и корисниците на улицата „Орце Николов“, на потегот од улицата „Ленинова“ до „Наум Наумовски – Борче“, поради изведување водоводен приклучок со профил Ф-100 милиметри.
Прекините во водоснабдувањето започнаа во 08:30 часот и ќе траат до завршување на работните активности.