Драматичен пресрт и голема претпазливост ги зафати глобалните инвеститори кои масовно ги повлекуваат сопствените средства од финансирањето на секторот за вештачка интелигенција.
Задолжувањето на компаниите од овој сектор доживеа нагло забавување во текот на изминатиот месец, откако пазарот почна сериозно да преиспитува дали милијардите долари вложени во AI ги носат очекуваните профити.
Анализите на инвестициската банка „Морган Стенли“ покажуваат дека во септември задолжувањето паднало на околу 23 милијарди долари, што претставува двојно помал износ во споредба со претходниот месец.
Илустрација за остриот пад е споредбата со јуни годинава, кога финансирањето преку задолжување достигна историски рекорд од 113 милијарди долари.
Слична слика е забележана и кај американските корпоративни обврзници со висок кредитен рејтинг, каде во септември за првпат немало ниту едно ново издавање поврзано со вештачка интелигенција.
Причина за ваквиот инвестициски скептицизам се огромните трошоци за изградба на нови центри за податоци, набавка на скапи чипови и развој на софтверски системи, дополнително отежнати од високите каматни стапки.
И покрај септемвриското забавување, вкупните средства прибрани годинава изнесуваат дури 466 милијарди долари, што сѐ уште е далеку над минатогодишните 101 милијарда.
Експертите предупредуваат дека зголемениот долг во комбинација со неизвесни приходи може да предизвика дополнителни финансиски турбуленции на пазарите.